ABIMANYU GUGUR

★Abimanyu Gugur★
Cover: Abimanyu Gugur...

Dinten ka 13 di tegal Kuru setra para kurawa nuju ngatur siasat perang di kemah, Resi Dorna, Aswatama, Prabu Duryudana, Sangkuni, Adipati Karna sareng Burisrawa...
Dinu riungan eta Resi Dorna ngusul keun hiji Strategi Formasi Perang nu hese pisan di ungkulanna, nyaeta Formasi Cakrawhuya Sapertos Baygon Obat Rengit nu di beuleum, Panglima perang sadayana aya di tengah-tengah Formasi di lingkung ku Waladia Balad, Inti Maksud ieu Formasi Sangkan Yudistira Katewak Hirup-hirup engkena Pandawa Bakal ngaku eleh ka kurawa...

Nya lajeng tarompet Sangkala perang di sada, Pandawa Kaget ningali eta formasi perang Kurawa...
Lajeng Dorna nugas keun Patih nagara patalukan kurawa sangkan mancing Arjuna cenah ngajauhan Abimanyu, dupi raja'na Di tugas keun nangtang bima sami cenah ngajauhan Abimanyu.
Di tegal Kuru setra Arjuna sareng bima anu nuju ngapit Abimanyu kapancing kunu nangtang nangtang patutunggalan, Bima luncat Nyampeur keun anu nangtang, Arjun pon kitu deui...
Abimanyu anu apel cara Nembus eta Formasi Perang lajeng nembakkan Para Waladia balad Kurawa ku panahna, Abimanyu parantos aya di tengah-tengah Formasi nanging Abimanyu di rempug ku para Kurawa,,,

Abimanyu anu teras-terasan di panah ku para kurawa Dugi ka awakna pinuh ku panah, aya hiji panah anu nyasar kana Roda kareta anu akhirna kareta abimanyu rubuh,
Aswatama Ngajleng bari nyandak pedang nganiyaya Abimanyu di tusuk, Abimanyu Lajeng nyandak Roda kareta di banting banting ka para kurawa nanging Abimanyu di rempug deui Ku para Kurawa bari nyandak pedang sadayana, Abimanyu anu parantos ngagoler di tusuk-tusuk make pedang ku para kurawa kalayan Dinu awakna pinuh ku Panah, Numutkeun riwayat bratayudha Awak abimanyu pinuh ku panah sapertos Landak.
Anu nganiyaya Abimanyu ku para Kurawa,Sakuni, Karna, Aswatama jeung Burisrawa nepi ka awakna rangsak, iwal Dorna, Krepa jeung Salya anu teu ngilu nganiaya Abimanyu. Nanging Jayarata Nu ninggal Abimanyu nu masih keneh Ngarenghap lajeng di Tinggang mastaka Abimanyu make gada anu akhirna Abimanyu Perlaya...

Para Kurawa surak hambal-hambalan Abimanyu Gugur...
Gatotkaca nu nuju di kepung ku para waladia balad tamtama nguping Abimanyu gugur langsung ngabelesat maksad Ninggal Ingkang Rayi, Gatotkaca ngamuk dugi ka bubar sadayana anu nuju Babarakatakan Nyeungseuri keun Abimanyu Gugur...

Arjuna Sareng Bima patugreng-tugreng silih salah keun, Arjuna Sedih ninggal Abimanyu anu Parantos teu mangrupa.
Harita Arjuna Nyieun Sumpah,Sa'acan ieu bratayudha beres dugi ka burit Arjuna sanggup maehan Jayarata, lamun Arjuna teu bisa maehan jayarata, arjuna bakal labuh geni bakal ngagebrus keun dirina kana Durukkan...

Bersambung lur...
Nb: Ke urang lajeng keun deui dugi ka Episode Gatotkaca Gugur...

★Abimamyu Gugur★
Bagean Pamungkas Carita
Cover: Pandawa.


Arjuna: Denge ku sararea sa'acan nepi ka magrib ieu perang kaula bakal bisa maehan Jayarata, Lamun kaula teu bisa maehan Jayarata, Kaula Bakal Labuh Geni ngagebrus keun diri kana durukan...
(ieu sumpah arjuna kadangu ku sadayana, atuh para kurawa mah atoh bakal 2 nu korban di medan danalaga)
Sangkuni: bawa ulin, bawa ulin, jauh keun Jayarata ti si arjuna... ngarah ka buritan...
Para Kurawa: bawa ulin bawa ulin, hayoh bawa ulin...
Batara Kresna: e,, ee,ee nanaonan yi?
Arjuna: Tuman Raka batara.. kaula bakal ngabeberik si jayarata.

(Para kurawa nyieun tameng barisan ku para pasukkan sangkan ngajauh keun Arjuna ti jayarata sedengkeun ieu waktos parantos nangtos keun jam satengah opat tapi arjuna katinggal parantos cape)
Batara kresna: Deudeh Rayi,lamun kitu cara' namah yakin rayi bakal labuh geni (lajeng wae batara kresna Meureum keun soca'na ngawatek mantra, ngagupay cakra bari raga alitna kaluar tina raga badag ngabelesat ka awang2 jeung panah cakra Udaksana, Batara kresna Ngumpul-ngumpul Awan di langit dugi ka aya'anna jiga magrib padahal mah nembe jam opat saking ku poeakna atuh para kurawa surak hambal-hambalan netelakeun yen geus magrib)
para kurawa: Geus burit euy, perang enggeusan-enggeusan,,, buru kumpul-kumpul suluh nyieun durukan keur si arjuna labuh geni
"para kurawa sadayana ngumpul-ngumpul keun suluh dugi ka Seuneu nguntab-Nguntab"
Para Kurawa: Hayoh Arjuna geura laksana keun eta sumpah teh, maennya rek jalir janji...
Arjuna: aduh Kakang Yudistira, kakang bima,, Nakula sadewa hampura kaula, Raka batara kaula nyuhun keun di hapunten bilih kaula seuer katamelaran... kalayan nitip ieu Senjata kaula panah sareng Gondewana.
Batara kresna: Sok geura laksana keun, Hiji satria teu meunang jalir Janji ngan Upami Rayi bade labuh geni omat eta senjata candak sareng Pentang keun Gondewa sareng Panah Sarotama sapertos rayi bade nembek.
Arjuna; naon margina raka batara?
Batara kresna: hiji satria kedah kitu, upami maot kedah sareng senjatana ancur. ieu lain kresna nu miwarang nanging ieu perintah Batara.
Arjuna: Naha raka batara kaula bade labuh geni meuni teu riuk-riuk sedih.
Batara Kresna: Ih rayi tong boro salira bade maot, akang oge bakal da ieu teh di dunya...

"Lajeng wae arjuna naek kana paranggong bade luncat kana durukkan, Para kurawa babarakatakan Hura-hura yen dinten ayeuna dua satria Gugur ti pihak pandawa nanging Barang sadayana ninggal kaluhur ieu mega-mega nyaringray atuh ieu panon poe ngebrak ca'ang samarukna tadi parantos magrib padahal mah nembe jam opat, hasil gawe bareng Batara kresna sareng batara bayu Nu niup angin sangkan mega-mega nyingray, Penasti Kersahyang Demam Para Sadayana Surak hambal-hambalan yen ieu beurang keneh atuh Arjuna Emut kana Purwadaksina, yen Arjuna janji bakal maehan Jayarata, Arjuna Nu nuju di luhur paranggong Eces Jentre Mertela ngembang boled katinggal Jayarata Nu nuju ninggal ka luhur, Lajeng Arjuna Mentang keun Panah Sarotama Di tujukeun ka Jayarata"
Arjuna:ee,, ee,, beurang keneh kaula ngartos maksad raka batara, nuhun raka batara... rasa keun Jayarata Ieu Sarotama nu bakal megat keun beuheung anjeun
>-------------> kerrrrrrrr....

"Pasti teu beunang di pungkir kadar teu bisa di singlar papasten anu tumiba, Sirah Jayarata Ngacleng ku tarikna panah Arjuna dugi ka ragrag di kemah Begawan Sempani nyaeta Rama'na Jayarata anu nuju Dzikir..."

Pandawa: Jayarata gugur,,, Jayarata gugur,,, Jayarata gugur,,,

Begawan Sempani anu nuju dzikir ngadoa keun putrana Jayarata asa kagebah Sirah jayarata rag rag di payuneunna, Begawan Sempani Ceurik barilihan margi anak hiji-Hijina ayeuna kantun sirahna wungkul...
Nanging Begawan Sempani Nafsu anu ngagudur-gudur amarah teu kawadahan, Lajeng Anjeunna ngawatek mantra margi anjeunna gaduh Ajian Suket Sulanjana, bisa ngahirup keun deui nanging sirahna wungku, Jayarata jangirat tangi.
Begawan Sempani: Jayarata saha nu maehan maneh?
Jayarata: Arjuna ama.
Begawan Sempani: sok geura bales, ieu gegel yeuh keris pusaka ama. saha-saha nu ngahalangan paehan, ama didieu ngadoa keun hidep...
Jayarata: Nuhun ama permios.
Begawan Sempani: Jayarata hirup, Jayarata hirup, Jayarata hirup, Jayarata hirup, Jayarata hirup, Jayarata hirup...

Pasukkan Pihak pandawa cing jarung kel margi ieu sirah jayarata nu ngegel keris ngabelesat Nigas saha wae nu ngahalangan...

Cepot: walah deuleu aya sirah hiber,
Semar: tong hareup teuing jang,,,
Cepot: sirah jayarata geuning pak...
Batara Kresna: Cepot, wayah menta tulung ka bapak maneh, kudu kumaha kituh buru, lamun teu buru-buru Arjuna bakal katugel jangga ku jayarata...
Cepot: muhun, pamit...

Cepot ngabujengan Semar....
Cepot: pak saur gusti batara kedah menta tulung ka bapak, kumaha pak yeuh?
Semar: Dewek ngarti jang, eta jayarata bisa hirup make Ajian Suket Sulanjana ti bapakna, bpkna pasti keur dzikir Jayarata hirup, Jayarata hirup, Jayarata hirup, terus kitu, ke ilaing Ngomong Jayarata paeh, Jayarata paeh, Jayarata paeh,...
Cepot: oh jdi abdi teh kudu ngagokan manehna dzikir?
Semar: heueh jang, ke mun Bpkna Jayarata nyebut Jayarata paeh bakal paeh salilana.
Cepot: oh kahartos pak...
Semar: tumben ilaing rada pinter, biasa namah kuled...
Cepot: yeeh,,, bisi ka buru burit...
Semar: yeuh kudewek di tiup di bere aji halimunan, ilaing bakal moal katempo ku jelema,,,
*SSSSsssszzzzz...
semar: jig jang berjuang...

"Astrajingga Milarian Kemah Begawan Sempani anu nuju Dzikir"

Cepot: ieu mah lain euy, eh aya duit euy lumayan lah,hehe...
Ke asa seungit dahareun, tah geuning Kemah Konsumsi,,, hayang sate euy lapar...
eh naha dewek teh keur neangan kemah Bpkna Jayarata...
ieu sugan, bener weh euy keur dzikir...
Begawan Sempani: Jayarata Hirup, Jayarata Hirup, Jayarata Hirup...
Cepot; Jayarata Paeh euy,
Begawan Sempani: Jayarata Hirup, Jayarata Hirup, Jayarata Hirup...
Cepot: paeh paeh paeh...
Begawan Sempani: dedemit timana siah nu ngadoja aink...Jayarata Hirup, Jayarata Hirup, Jayarata Hirup...
Cepot; paeh goblog
Begawan Sempani: hirup gejul...
Cepot; Paeh paeh paeh
Begawan Sempani: Jayarata Hirup, Jayarata Hirup, Jayarata Hirup...
Cepot: paeh paeh paeh,,,
Begawan Sempani: Jayarata Hirup, Jayarata Hirup, Jayarata Hirup...
Cepot: PAEH PAEH PAEH PAEH....
begawan Semapni: hirup.
Cepot; Hirup.. hirup hirup...
Begawan Sempani: paeh paeh paeh...
aduh tobat gusti, aya dedemit timana siah...
Cepot: aink bah jamrong nu ngageugeuh Tangkal rambutan... huUuh...

"Penasti Kersahyang Demam Para,barang Begawan Sempani nyebat paeh, ieu sirah Jayarata langsung ngagolepak Paeh sapisan"...

Cepot: tah kitu geuning ramena hirup di alam dunya teh jang, kalayan hapunten tina sagala kalepatan ageung sareng alit ieu lakon Abimanyu Gugur di pungkas wae ku Wassalamu alaikum wr.wb.
cag ah...